Құрметті клиенттер!
Банк сіздің банктік шоттарыңызға, карталарыңызға, мобильді қосымшаларыңызға,
сондай-ақ басқа да төлем немесе идентификациялау құралдарына үшінші тұлғалардың
қол жеткізуіне жол беруге болмайтынын ескертеді. Соңғы уақытта азаматтардың
«дропперлік» деп аталатын заңсыз схемаларға тартылу жағдайлары жиілеп кетті.
Дроппер — бұл өзінің банктік шотына немесе картасына
қолжетімділікті сыйақы үшін әдейі ұсынатын немесе сататын тұлға. Мұндай
әрекеттер алаяқтар тарапынан ұрланған ақшаны қолма-қол ақшаға айналдыру үшін
жиі қолданылады және қылмыстық жауапкершілікке әкеледі.
2025 жылғы 16 қыркүйектен бастап күшіне енетін Қазақстан
Республикасының Қылмыстық кодексінің 232-1-бабына сәйкес, банктік
шоттар мен құралдарға заңсыз қолжетімділікті беру, сондай-ақ үшінші тұлғалардың
мүддесі үшін ақша аударуға қатысу келесі жаза түрлеріне әкеп соғуы мүмкін:
·
5 000 АЕК-ке дейін айыппұл,
·
1 200 сағатқа дейін түзеу немесе қоғамдық
жұмыстар,
·
5 жылға дейін бас бостандығын шектеу немесе
айыру,
·
мүлікті тәркілеу.
Тіпті бұл әрекетті бірінші рет жасаған болсаңыз да — бұл жауапкершіліктен
босатпайды.
Келесі ұсыныстарға келіспеңіз:
·
картаны сыйақы үшін «беру»;
·
үшінші тұлғалар үшін шот ашу немесе карта
рәсімдеу;
·
мобильді банк немесе интернет-банкинг деректерін
басқа адамдарға беру;
·
картаға ақша алып, бейтаныс адамдардың
нұсқауымен оны басқа біреуге аудару.
Мұндай әрекеттердің барлығы заңсыз болып табылады және қылмыстық схемаға
қатысу ретінде қарастырылуы мүмкін.
Егер сізге күмәнді ұсыныс түссе — дереу Банкке немесе құқық қорғау
органдарына хабарласыңыз.